Auðlesið

Allir eiga rétt á upplýsingum á máli sem þeir skilja. Auðlesið mál er texti sem er skýr og einfaldur.

Til hvers?

Auð-lesið efni nýtist fólki sem á erfitt með að lesa. Ef upplýsingar í sam-félaginu eru skrifaðar á auð-skildu máli geta allir nýtt sér upplýsingarnar.

Að þekkja réttindi sín og það sem lífið hefur upp á að bjóða getur ýtt undir sjálf-stæði manns.

Til að fá upplýsingar
Til að skilja betur fréttir, mikilvæg skjöl og upplýsingar
Til að vera hluti af samfélaginu
Til að vita réttindi okkar í samfélaginu
Til að geta ákveðið sjálf hvernig við viljum lifa lífi okkar

Hvernig skrifar maður auð-lesinn texta?

Nota stuttar setningar

Útskýra skal flókin eða óalgeng orð

Hafa myndir til skýringar með textanum

Textinn veldur að vera svartur á hvítum bak-grunni

Hafa lýsandi fyrirsögn sem passar við innihald textans

Ekki nota númeratölur — nota frekar orðið eins og fimm, sextán eða tíu

Löngum orðum er skipt upp í minni einingar (Dæmi: Vinnumálastofnun → Vinnu-mála-stofnun)

Nota orð sem eru algeng í daglegu tali

Gott er að láta lesa yfir auðlesna textann

Auð-lesið efni alls staðar

Átak vill hvetja fyrir-tæki og frétta-miðla til að gera auð-lesinn texta og hafa á heima-síðum sínum og frétta-síðum. Til dæmis er hægt að hafa sérstakan dálk á horni vef-síðunnar sem flytur lesanda á aðra síðu þar sem hægt er að nálgast sama texta á auðlesnu máli.

Fjölmennt rekur Miðstöð um auðlesið mál og hægt er að hafa samband við þau ef það t.d. vantar hjálp við að þýða texta yfir á auðlesið mál eða vantar ráðgjöf um miðlun upplýsinga á auðlesnu máli.

RÚV auðskilið efni Fjölmennt — Miðstöð um auðlesið mál