Frikkinn eru heiðursverðlaun Átaks
Frikkinn skal veitt þeim einstaklingi eða hópi sem hefur lagt sig fram við að styðja við sjálfstæði fólks með þroskahömlun og sem hefur unnið að því að veita aukin tækifæri og stuðlað að samfélagi án aðgreiningar á öllum sviðum.
Viðurkenningin dregur nafn sitt af Friðriki Sigurðssyni, fyrsta heiðursfélaga Átaks og hefur verið veitt frá árinu 2015.
Heiðursfélagar Átaks
Ólafur Snævar Aðalsteinsson og Ágústa Björnsdóttir
Ágústahefur helgað lífi sínu nýsköpun í menntun. Frá árinu 2009 hefur hún, ásamt fylkingu af fólki, rutt veg fyrir ólíka styrkleika, bæði í háskólum og á vinnumarkaði. Hún er hreyfiafl sem hefur ferðast með nemenda-hópa með ólíkum einstaklingum bæði til ólíkra horna landsins og til annarra landa. Hennar framlag hefur gefið fólki í samfélaginu tækifæri til þess að fá skilning um mikilvægi þess að koma auga á styrkleika fatlaðs fólks.
Ólafur Snævar mætir hindrunum hér og þar en hann lætur ekkert stoppa sig. Hann lætur drauma sína rætast. Hvort sem hann gerir það alveg sjálfur, eða í samstarfi með hópi af ólíku fólki, með öðruvísi skoðanir. Hann er fæddur til að stíga á svið. Hann helgar lífi sínu í að skapa pláss fyrir fjölbreyttar listir. Hann brýtur niður múra og skapar ný svið, bæði hér á landi og í öðrum löndum.