Samningur SÞ um réttindi fatlaðs fólks var fullgiltur á Alþingi á afmælisdegi Átaks.
Í dag var samningur Sameinuðu þjóðanna um réttindi fatlaðs fólks fullgiltur á Alþingi sem er mikið fagnaðar efni.
Góð afmælisgjöf til okkar allra og Átaks, félag fólks með þroskahömlun því í dag á Átak afmæli.
Sama dag fyrir 23 árum, eða árið 1993 var Átak, félag fólks með þroskahömlun stofnað og er því þetta frábær afmælisgjöf.
Það að samningurinn hafi verið fullgiltur er stór áfangi í að tryggja fötluðu fólki rétt sinn.
Þetta er því mikið fagnaðarefni að mannréttindi okkar séu loksins viðurkennd með þessum hætti og þannig verið að tryggja og verja mannréttindi fatlaðs fólks.
Mikilvægt er að í framhaldinu verði gerðar breytingar á lögum í samræmi við samninginn og/eða hann innleiddur í lög hið fyrsta.
Við hjá Átaki leggjum áherslu á virkt samráð við fatlað fólk, að fatlað fólk fái að vera þátttakendur í nefndum og ráðum þegar kemur að því að taka ákvarðanir sem varðar líf þeirra. Þetta er hluti af því að fá fullgildingu samningsins.
Það er því tvöfaldur gleðidagur í dag þó að það sé enn mikið verk óunnið hvað varðar réttindi fatlaðs fólks.
Óskum okkur öllum til hamingju með árangurinn, takk þingheimur fyrir skilvirk störf í þessu máli og frábæra afmælisgjöf !
Til hamingju Átak, félag fólks með þroskahömlun með afmælið í dag.
