Opið bréf til menntamálaráðherra um mál Eyþórs Inga og Freys Vilmundarsonar.
Það er til háborinnar skammar að neita einstaklingum um skólavist. Þetta er klárt mannréttindabrot. Réttindi fatlaðra eiga að vera á við réttindi annarra. Þeir sem eru með fötlun eiga rétt á viðeigandi aðstoð í skóla og almennt í lífinu. Átak, félag fólks með þroskahömlun fordæmir þessa ákvörðun skólanna og krefst þess að menntamálaráðherra taki á þessu. Það á ekki að skipta máli hvar einstaklingarnir búa. Það að neita einstaklingum um eðlilegt líf og um námsmöguleika er brot á réttindum þeirra. Við erum að sjá þetta allt of oft gerast. Einu sinni er einum of oft. Stjórn Átaks, félag fólks með þroskahömlun
