Grein um mikilvægi liðveislu
Þegar fatlað fólk flytur á íbúakjarna þá missir það liðveisluna sína.
Gert er ráð að fyrir að þar sé í boði aðstoð allan sólarhringinn.
En það er ekki alltaf raunin því stundum er starfsfólk upptekið við að aðstoða aðra íbúa.
Það er stundum í boði að nýta stuðninginn með öðrum íbúum en það vilja það ekki allir.
Auk þess vilja margir fatlaðir ekki upplifa að þeir séu að taka stuðning af öðrum sem þurfa á meiri þjónustu að halda.
Þá getur fólk sem þarf minni aðstoð á kjarnanum gleymst.
Mér finnst mikilvægt að fatlað fólk fái að halda liðveislunni sinni óháð búsetu og fötlun.
Oft á fatlað fólk fáa vini og því getur liðveisla verið dýrmæt.
Fatlað fólk á rétt á fjölbreyttum stuðning í atvinnu, félagslífi og búsetu sama hversu mikil eða lítil þjónustuþörf hvers og eins er.
Við í Átaki hvetjum sveitarfélög til að bjóða upp liðveislu óháð búsetu.